Kumpirmado na nais balikan ni Luis Manzano ang ex-girlfriend na si Angel Locsin. Unang kinumpirma ito ni Luis noong Sabado, January 9, sa showbiz-oriented talk show nitong Entertainment Live. Nang tinanong siya ng co-host niyang si Mariel Rodriguez kung nililigawan niyang muli si Angel, ang direktang sagot ni Luis, “Yes. Hopefully with the fresh start, everything turns out well and well be back to being the normal kulit (Luis) and kiti (Angel),” referring to the terms of endearment ng dalawa nang mag-on pa sila.

Sa panayam sa kanya ng The Buzz, sinabi ni Luis na pareho nilang inaayos ang kanilang relasyon. “I would like to think na we’re working on it. Happy? Ako I am. Hopefully naman siya rin. In general we’re working on it,” paliwanag ng aktor. Nang tanungin naman siya kung bakit nais niyang magkabalikan sila, ani Luis, “You realize kung ano ‘yung mga napagdaanan n’yo. You realize—at least ako—I realized her worth and napag-usapan na namin ‘yan.”

Sa POV (Points, Opinions, Violent Reactions) portion ng The Buzz, sinabi ni Kris Aquino na saksi siya sa ginagawang effort ni Luis para magkabalikan sila ni Angel. Aniya pa, aside from Angel ay nililigawan din ng actor-host ang ama ni Angel ngayon dahil isa siya umano sa mga nagulat nang magkahiwalay sila ng anak.

Ibinahagi naman ni Ruffa Gutierrez ang malamang mensahe na ipinadala sa kanya ni Luis hinggil sa pagnanais niyang balikan si Angel. “I’m trying to win her back and make up for my mistakes in the past. Na-realize ko she’s a good girl worth fighting for,” laman ng text message.